काठमाडौं । प्रतिनिधिसभा सदस्य टीका संग्रौला ज्वालाले प्रतिनिधिसभा बैठकमा नियम २१ को ९घ० अन्तर्गत नियमापत्ति जनाएकी छन्।

उनले राज्यको नैतिकता, शिष्टाचार तथा मर्यादासँग सम्बन्धित विषयमा सदनको ध्यानाकर्षण गराउँदै राज्यका निकायहरूबाट हुने गतिविधि नै राज्यको पहिचान र विश्वसनीयतासँग जोडिने उल्लेख गरिन्।

सांसद संग्रौलाले राज्यको व्यवहार, आचरण र निर्णय प्रक्रियाले नागरिकमा राज्यप्रतिको धारणा निर्माण गर्ने भएकाले राज्यका सबै निकायले उच्च नैतिकता, शिष्टाचार र जिम्मेवारी प्रदर्शन गर्नुपर्नेमा जोड दिइन्।

उनले नियम २१ को ९घ० ले राज्यको नैतिकता र शिष्टाचारसँग सम्बन्धित विषय उठाउन सक्ने व्यवस्था गरेको उल्लेख गर्दै सोही व्यवस्थाअनुसार आफूले नियमापत्ति जनाएको स्पष्ट पारिन्।

सांसद संग्रौलाले राज्यका निकायहरूले संविधान, कानुन र लोकतान्त्रिक मूल्य–मान्यताअनुसार मर्यादित तथा जिम्मेवार ढंगले कार्य गर्नुपर्ने धारणा राख्दै यसतर्फ सरकारको ध्यानाकर्षण गराएकी छन्।