अछाम । भूमि व्यवस्था, सहकारी तथा गरिबी निवारण मन्त्रालयअन्तर्गत संघीय मामिला तथा सामान्य प्रशासन मन्त्रालयले अछामको रामारोशन गाउँपालिकाका निमित्त प्रमुख प्रशासकीय अधिकृतलाई दिइएको आर्थिक तथा प्रशासनिक अधिकार रद्द गरेको छ।

मन्त्रालयले असार १० गतेको निर्णयअनुसार शाखा अधिकृत तारादत्त भट्टलाई गाउँपालिकाको प्रमुख प्रशासकीय अधिकृतका रूपमा खटाइसकेको उल्लेख गर्दै उक्त निर्णय तत्काल कार्यान्वयन गर्न निमित्त प्रमुखलाई दिइएको आर्थिक तथा प्रशासनिक जिम्मेवारी रद्द गरिएको जनाएको हो।

मन्त्रालयले रामारोशन गाउँपालिकालाई प्रमुख प्रशासकीय अधिकृत तारादत्त भट्टलाई तत्काल हाजिर गराई नियमित प्रशासनिक तथा आर्थिक कामकाज सञ्चालन गर्न निर्देशन दिएको छ।

साथै, कोष तथा लेखा नियन्त्रक कार्यालयलाई पनि जगतबहादुर रावललाई दिइएको आर्थिक जिम्मेवारी रद्द गरिएको जानकारी गराउँदै अबदेखि मन्त्रालयबाट खटाइएका प्रमुख प्रशासकीय अधिकृत तारादत्त भट्टमार्फत मात्रै गाउँपालिकाको बैंक खाता सञ्चालन र आर्थिक कारोबार गर्न व्यवस्था मिलाउन निर्देशन दिइएको मन्त्रालयले जनाएको छ।