काठमाडौं । लायन्स क्लब अफ ड्रिम्सका चार्टर प्रेसिडेन्ट भुवन भण्डारीले बाढी तथा विपद् प्रभावितका लागि प्रधानमन्त्री दैवी प्रकोप राहत कोषमा ५० हजार रुपैयाँ सहयोग गरेका छन्।
भोटेकोशी क्षेत्रमा आएको बाढीपछि प्रभावितको उद्धार, राहत तथा पुनःस्थापनामा सहयोग पुगोस् भन्ने उद्देश्यले भण्डारीले उक्त रकम राहत कोषमा प्रदान गरेका हुन्।
यसैगरी, भण्डारीले बाढीबाट प्रभावित किरणमान अधिकारीलाई व्यक्तिगत रूपमा ५ हजार रुपैयाँ आर्थिक सहयोगसमेत गरेका छन्। विपद्का समयमा पीडितलाई तत्काल राहत र सहयोग पुगोस् भन्ने उद्देश्यले व्यक्तिगत सहयोग गरिएको भण्डारीले बताए।
सामाजिक सेवामा सक्रिय लायन्स क्लब अफ ड्रिम्सले गत वर्ष मात्रै १२ पटक रक्तदान कार्यक्रम आयोजना गरेको थियो। साथै, विभिन्न संघ–संस्थासँगको सहकार्यमा क्लबले कुल २५ वटा रक्तदान कार्यक्रम सम्पन्न गरेको जनाएको छ।
क्लबले यस वर्ष पनि रक्तदानलगायत विभिन्न सामाजिक तथा मानवीय सेवामूलक कार्यक्रमलाई निरन्तरता दिइरहेको जनाएको छ। विपद्का समयमा राहत तथा सहयोगका कार्यक्रमलाई समेत प्राथमिकताका साथ अघि बढाउने क्लबको भनाइ छ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
