काठमाडौं। सरकारले कर प्रणालीलाई थप प्रभावकारी बनाउन ‘सक्कली बिल लिनुहोस्, लखपति बन्नुहोस्’ अभियान सञ्चालन गर्ने भएको छ। अर्थमन्त्रीले सामाजिक सञ्जाल फेसबुकमार्फत सार्वजनिक गरेको जानकारीअनुसार अब मूल्य अभिवृद्धि कर ९भ्याट० र स्थायी लेखा नम्बर ९प्यान० प्रणालीमा आबद्ध व्यवसायबाट खरिद गरी सक्कली बिल लिने उपभोक्तालाई नगद पुरस्कार प्रदान गरिनेछ।
योजनाअनुसार एक सय रुपैयाँभन्दा बढीको सामान खरिद वा होटल तथा रेस्टुरेन्टमा गरिएको भुक्तानीको सक्कली बिल लिने नागरिकहरू योजनामा सहभागी हुन सक्नेछन्। बिलमा उल्लेख भएको नम्बर नै लक्की ड्रका लागि आधार बन्ने जनाइएको छ।
सरकारले हरेक दिन एक जना नेपालीलाई ‘लखपति’ बनाउने र प्रत्येक महिनामा दुई जनालाई बम्पर पुरस्कारस्वरूप १०–१० लाख रुपैयाँ प्रदान गर्ने जनाएको छ।
हाललाई प्रत्येक महिनाको १६ गते र अन्तिम दिन गरी पाक्षिक रूपमा लक्की ड्रको नतिजा सार्वजनिक गरिने अर्थमन्त्रीले जानकारी दिएका छन्।
सरकारले यो योजनामार्फत उपभोक्तालाई सक्कली बिल लिन प्रोत्साहित गर्दै कर छली नियन्त्रण, राजस्व संकलन वृद्धि तथा औपचारिक अर्थतन्त्रलाई सुदृढ बनाउने लक्ष्य राखेको छ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
