संघीय मामिला तथा सामान्य प्रशासन मन्त्री प्रतिभा रावलले झापाको अर्जुनधारामा अव्यवस्थित बसोबास गर्दै आएका १८ परिवारलाई जग्गाधनी लालपुर्जा वितरण गर्नुभएको छ।
जिल्ला भूमि समस्या समाधान समिति झापाले बिहीबार आयोजित कार्यक्रममा लामो समयदेखि आफ्नो नाममा जग्गाको स्वामित्व नपाएका परिवारलाई लालपुर्जा हस्तान्तरण गरेको हो। लालपुर्जा पाएसँगै ती परिवार कानुनी रूपमा जग्गाधनी बनेका छन्।
सरकारले भूमिहीन दलित, भूमिहीन सुकुम्बासी तथा अव्यवस्थित बसोबासीको समस्या समाधानलाई उच्च प्राथमिकतामा राख्दै देशभर लालपुर्जा वितरण अभियानलाई तीव्र बनाएको जनाएको छ। यसअघि बर्दियाको बढैयाताल र झापाको बुद्धशान्तीमा पनि भूमिहीन परिवारलाई लालपुर्जा वितरण गरिएको थियो।
सरकारले भूमिसम्बन्धी समस्या दीर्घकालीन रूपमा समाधान गर्दै वास्तविक लाभग्राहीलाई कानुनी रूपमा जग्गाको स्वामित्व दिलाउने लक्ष्यका साथ कार्यक्रमलाई निरन्तर अघि बढाइरहेको जनाएको छ।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
