भारतले चन्द्रमामा सफलता हात पारेको छ । चन्द्रयान–३ ले चन्द्रमाको सतहमा अवतरण गरेर इतिहास रचेको छ ।
भारत चन्द्रमाको दक्षिणी ध्रुवमा सफलतापूर्वक अवतरण गर्ने पहिलो देश बनेको छ।

चन्द्रयान–३ ले बुधवार चन्द्रमाको दक्षिणी ध्रुवमा सफ्ट ल्यान्डिङ गर्ने प्रयास गर्नेछ । यसअघि इसरोले तस्बिरहरू साझा गर्दै तयारी पूरा भएको बताएको थियो ।इसरोले सोसल मिडिया प्लेटफर्म एक्स (ट्विटर) मा लेख्यो, ‘स्वचालित ल्यान्डिङ सिक्वेन्स (एएलएस) सुरु गर्ने तयारी पूरा भइसकेको छ । लगभग ०५ः४४ बजे ल्यान्डर मोड्युल (एलएम) तोकिएको स्थानमा पुग्ने प्रतीक्षा छ ।’
‘एएलएस कमान्ड पाएपछि एलएम ल्यान्डिङका लागि थ्राटलेबल इन्जिनलाई सक्रिय गर्नेछ । मिसन अपरेसन टोलीले आदेशहरू सही क्रममा प्राप्त भइरहेको छ भनी प्रमाणित गर्न जारी राख्नेछ ।’

‘यसको प्रत्यक्ष प्रसारण ५.२० मा सुरु हुनेछ ।’

विक्रम ल्यान्डर चन्द्रमाको दक्षिणी ध्रुवमा सफ्ट ल्यान्डिङमा सफल भयो भने भारत त्यसो गर्ने पहिलो देश बन्नेछ । साथै अमेरिका, चीन र सोभियत संघपछि भारत चन्द्रमाको सतहमा सफ्ट ल्यान्डिङ गर्ने चौथो देश बन्नेछ ।

यसको इसरोको वेबसाइट, युट्युब च्यानल र डिडी नेशनलमा ५.२० बजे प्रत्यक्ष प्रसारण हुनेछ । भारतीय समयानुसार साँझ ६.०४ बजे, विक्रम ल्यान्डरले प्रज्ञान रोभरसँग चन्द्रमाको दक्षिणी ध्रुवमा सफ्ट ल्यान्डिङको प्रयास गर्नेछ ।

Chandrayaan-3 Mission:
All set to initiate the Automatic Landing Sequence (ALS).
Awaiting the arrival of Lander Module (LM) at the designated point, around 17:44 Hrs. IST.

Upon receiving the ALS command, the LM activates the throttleable engines for powered descent.
The… pic.twitter.com/x59DskcKUV

— ISRO (@isro) August 23, 2023

चन्द्रयान–२ असफल भएपछि १४ जुलाईमा चन्द्रयान–३ मिसन प्रक्षेपण गरिएको थियो । ५ अगस्टमा चन्द्रयान–३ चन्द्रमाको कक्षमा प्रवेश गरेको थियो ।

विशेष गरी रुसी मुन मिसन लुना–२५ आइतबार असफल भएपछि चन्द्रयान–३ को बारेमा कौतुहलता झनै बढेको छ ।
चन्द्रमामा विक्रम ल्यान्डरको सफ्ट ल्याण्डिङपछि प्रज्ञान रोभर त्यहाँबाट निस्कनेछ र अनुसन्धान र जानकारी सङ्कलन गर्न चन्द्रमाको सतह वरिपरि घुम्नेछ।
श्रीहरिकोटाबाट जुलाई १४ मा दिउँसो २ः३५ मा उडेको चन्द्रयान–३ ले ४० दिन लामो यात्रा पूरा गरेको छ ।