आन्द्राको क्यान्सरसँग संघर्षरत सानो बाङथली निवासी विष्णुमान तामाङको उपचार सहयोगार्थ सञ्चालन गरिएको विष्णुमान तामाङ बचाऔँ अभियान अन्तर्गत रु. ३,३५,३४८ आर्थिक सहयोग संकलन गरी हस्तान्तरण गरिएको छ।
यस अभियानमा राष्ट्रिय स्वतन्त्र पार्टी (रास्वपा) चौरि देउराली गाउँपालिकाका सभापति श्रीमान तामाङको नेतृत्वमा विभिन्न व्यक्ति, शुभेच्छुक तथा सहयोगीहरुले श्रीमान तामाङको संजालमा राखेको पोस्ट देखे पछि संजाल मार्फत नै सहयोगी दाताहरुले सहयोग गदै आनु भएको थियो ।
यसअघि चौरि देउराली गाउँपालिकाका सभापति श्रीमान तामाङले विष्णुमान तामाङलाई भेटेर उहाँको स्वास्थ्य अवस्थाबारे जानकारी लिँदै शीघ्र स्वास्थ्यलाभको कामना गर्नुभएको थियो। उहाँले उपचारका लागि सबैलाई मानवीय भावना र सहयोगको हात अघि बढाउन आग्रह गर्दै जीवन बचाउने अभियान सबैको साझा जिम्मेवारी हो भन्ने सन्देश दिनुभएको थियो।
विष्णुमान तामाङको उपचार अझै जारी रहेकाले आवश्यक सहयोग निरन्तर आवश्यक रहेको बताएका छन्। उनीहरूले आर्थिक, नैतिक तथा प्रार्थनाको माध्यमबाट साथ दिन सम्पूर्ण सहयोगी, समाजसेवी तथा शुभेच्छुकहरूलाई आग्रह गरेका छन्।
अभियानमा प्रत्यक्ष वा अप्रत्यक्ष रूपमा सहयोग गर्ने सम्पूर्ण दाताप्रति श्रीमान तामाङकोले हार्दिक आभार व्यक्त गर्दै यस्तै मानवीय कार्यमा सबैको साथ र सहकार्य निरन्तर रहने विश्वास व्यक्त गरेका छन्।
यहाँ प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
