प्रतिनिधि सभाको बैठकमा रास्वपा सांसद ज्वाला संग्रौलाले विगतको राजनीतिक शासन, भ्रष्टाचार, बेथिति र अनियमिततामाथि कडा प्रश्न उठाइन्। उनले देशमा लामो समयदेखि जरा गाडेको राजनीतिक विकृति र त्यसकै परिणामस्वरूप जनतामा आक्रोश बढ्दै गएको विषयलाई संसदमा स्पष्ट रूपमा प्रस्तुत गरिन्।

संग्रौलाले विगतका सरकारका कामकारबाही र राजनीतिक नेतृत्वमाथि प्रश्न उठाउँदै देशलाई भ्रष्टाचार, बेथिति, अनियमितता र गुन्डाराजको क्यान्सरबाट मुक्त गर्नुपर्ने धारणा राखेकी थिइन्।

उनको अभिव्यक्तिपछि विपक्षी बेन्चका सांसदहरू उठेर विरोध जनाए। तर, संग्रौलाले उठाएका विषयहरू विगतको शासन र त्यसबाट सिर्जित समस्यासँग सम्बन्धित रहेको भन्दै आफ्नो अभिव्यक्तिमा अडिग रहिन्।

संग्रौलाले विगतका राजनीतिक घटनाक्रम, जनआन्दोलन तथा जेनजी पुस्ताको असन्तुष्टिलाई समेत जोड्दै नेतृत्वले जनताको आवाज को सुनुवार्य गर्दा पनि विपक्ष दल रुष्ट धए पछि उनले आफ्नो धारणा स्पष्ट रूपमा राखेकी थिर्ईन् ।

उनको अभिव्यक्ति विपक्षी दलका सांसदहरूलाई असहज र अपाच्य बने पनि उनले संसदमा जनताले भोग्दै आएको यथार्थ र राजनीतिक विकृतिमाथि प्रश्न उठाएको देखिन्छ। विरोध र हंगामाका बीच पनि संग्रौलाले आफ्नो धारणा स्पष्ट रूपमा राख्दै ‘सत्य र यथार्थ बोलेपछि विरोध हुनु स्वाभाविक हो’ भन्ने सन्देश दिएकी छन्।

संसदमा भएको उक्त घटनाले पुराना राजनीतिक दल र नयाँ राजनीतिक शक्तिबीचको राजनीतिक तथा वैचारिक संघर्ष अझै तीव्र हुँदै गएको संकेत गरेको छ।