कवि एसडी ढकालको ‘आँशु लुकाऊँ कसरी’ गीत सार्वजनिक,

लोकप्रिय कवि एसडी ढकालको ‘दोधार’ कविता संग्रह भित्रको एउटा सिर्जना “आँशु लुकाऊँ कसरी” बोलको गीत सार्वजनिक भएको छ ।

उक्त गितमा नेपाल आइडल सिजन–५ का विजेता गायक करण परियारको सुमधुर स्वर रहेको छ ।

गीतको शब्द रचना तथा कन्सेप्ट कवि एसडी ढकालको नै रहेको छ भने संगीत संयोजन कर्ण संञ्यालले गरेका हुन् । केशव बडुको एरेन्ज रहेको यस गीतको छायांकन तथा निर्देशन देव राज आचार्यले गरेका छन् ।

भिडियोमा मोडल डा. ढकाल र मिस टिन युनिभर्स नेपाल, २०२१ श्रीयंका थापा (कवि सिन्दूरको रूपमा)को अभिनय रहेको छ । साथै बाल कलाकार अध्यात्मिक ढकाल र अन्य कलाकार कर्ण सञ्ज्याल, निर्मला ढकाल आदिको पनि अभिनय रहेको छ ।

गीतको भिडियो सम्पादन हिम्मत सिंह चैसिरले गरेका हुन् । गीतको म्यूजिक भिडियोलाई Dr. Eng. Shanker Dhakal” नामक युटुब च्यानलबाट सार्वजनिक गरिएको छ ।